betonX – Tam Avtomatlaşdırılmış Beton İstehsal İdarəetmə Sistemi
Layihənin adı: betonX – Tam Avtomatlaşdırılmış Beton İstehsal İdarəetmə Sistemi
Təsviri:
betonX, AvtomatikaAz MMC tərəfindən hazırlanmış müasir və tam avtomatlaşdırılmış beton istehsal idarəetmə sistemidir. Sistem PLC və SCADA əsaslı idarəetmə rejimlərinə malikdir: tam avtomatik, yarım avtomatik və manuel (əl) rejimləri. Beton istehsalının hər mərhələsi üzərində yüksək dəqiqliklə idarəetmə təmin edilir.
Həllin texniki imkanları – İstehsal İdarəetmə Sistemi:
- PLC və SCADA əsaslı idarəetmə rejimlərinin inteqrasiyası (tam, yarım avtomatik və manuel rejimlər)
- İstehsalat prosesində baş verən xətaların real vaxtda aşkarlanması və qeydiyyatı
- Materialların nəmliyinə və qatqı-su nisbətinə uyğun olaraq su miqdarının dinamik tənzimlənməsi
- İstehsalın hər mərhələsi üzrə (resept, anbar, sürücü və s.) məlumatların toplanması və geniş hesabatların təqdim olunması
- İnternet üzərindən uzaqdan nəzarət və diaqnostika imkanlarının yaradılması
- Enerji kəsilməsi zamanı istehsal prosesinin fasiləsiz davam etməsi üçün “gözləmə rejimi”nin tətbiqi
Nəticə:
betonX sayəsində beton istehsalı tam avtomatlaşdırılmış şəkildə həyata keçirilir, insan faktorundan asılılıq minimuma endirilir və istehsalın dəqiqliyi, davamlılığı və effektivliyi əhəmiyyətli dərəcədə artırılır.
